今晚亞冠盃8強首回合，中超勁旅ＦＣ山東主場鬥日職橫濱水手。ＦＣ山東近期火力全開，近5場主場狂入20球，上一圈對住川崎前鋒亦係用狂攻踢法製造奇迹，相信今仗會繼續主攻，2.5球嘅入球大穩陣。（HOY TV 76台周三晚6時直播）
水手易帥跌晒watt
兩隊喺分組賽已經同組，當時橫濱水手分別以1比0同3比0「雙殺」ＦＣ山東。此一時彼一時，橫濱水手上年底換帥，改由澳洲「新丁」基維爾執教後表現下滑，上一圈對曼谷聯亦陷入苦戰，ＦＣ山東主場出擊會趁對手勢弱，搶攻復仇。
ＦＣ山東喺16強面對另一日職勁旅川崎前鋒，主場先輸2比3下，作客狂攻神奇4比2贏波反勝，盡展強大火力。ＦＣ山東喺中超開咧戰贏4比2，狀態唔錯，佢哋踢法搶韁，近5仗亞冠盃總入球全開3球或以上，今仗一於再追中位數2.5球嘅大盤。